اول شي بنجهز الحشوة وهي عبارة عن :
بصلة مفرومة ناعم بنقليها بشوية زيت زيتون على النار لحتى تدبل ونضيف لحمة عجل مفرومة تقريبا ربع كيلو ونتركها تنشف ميتها قليلا ونضيف البهارات فلفل اسود وقرفة وكاري وملح واذا بتحبو الحار رشة فلفل احمر...وبعدين بنضيف الصنوبر المقلي لما تنضج اللحمة وبنتركها تبرد . وبهالوقت بنحضر العجينة...
وهي عبارة عن :
كوبين طحين (انا استخدمت كوب طحين بلدي وكوب طحين عادي ) + رشة ملح + رشة بكنغ باودر + رشة زيت نباتي + ماء دافئ للعجن...
تعجن جميع المقادير معا حتى تصبح لدينا عجينة طرية ولا تلصق باليد . ثم مباشرة نقوم بفرد العجين بالشوبك ونقطعها لقطع دائرية بكوب او فنجان ...ثم نقوم بحشو كل قطعة دائرية بالحشوة الجاهزة(اللحمة مع الصنوبر) ونغلقها مثل القطايف ثم نقوم بلصق اطراف القطعة معا حتى يصبح لدينا شكل مثل القبعة وهكذا نستمر حتى تنتهي الكمية..
ثم نقوم بتنشيف قطع الششبرك بالفرن فقط تنشيف دون تحمير او تحميص...
نجهز اللبن وذلك بخلط اللبن مع النشا حسب الكمية المرادة(هنا استخدمت نصف كيلو ) ونقوم بغليه على نار هادئة ثم نقوم بإضافة قطع الششبرك حسب كمية اللبن(هنا لم أضيف
جميع كمية القطع وقمت بتفريز الباقي منها بالفريزر لتكن جاهزة لمرة اخرى) ثم نقوم بدق سنين تومة مع ملح وقدحهم عالنار مع زيت زيتون وسكبهم على اللبن وزينتهم برشة نعنع ناشف...
وصحة وهناااااااااا كان كتير طيب....
السبت ديسمبر 24, 2011 8:24 am من طرف 
