كيكة الشمينت او اللبن الحلو

مرحبا
حبيت اشاركم كيكة الشمينت او اللبن الحلو او انتوا اختاروا اسم حلو
المقادير والطريقة:
- علبة لبن شمينت او لبن حلو احنا عنا اسمه رومة
- 4ملاعق كبيرة سكر او حسب الحاجة
- جلي او اي شي للتزيين
- كيكة جاهزة او بتحضروا كيكة عادية بالبيت,طريقة الكيكة
- 1كاسة زيت قلي
- 1 كاسة سكر
- 1كاسة حليب او عصير
- 4 كاسات طحين
- 4 بيضات
- 3 ملاعق صغار فانيلا
-2 ملعقة صغيرة باكنج باودر
الطريقة بنخلط جميع المقدير ما عدا الطحين والباكنج باودر مع بعض على الخلاط او الخفاقة.
بنخلط الباكنج باودر مع الطحين وبعدها بنضيفهم للخليط.
وبنخبزها بفرن حرارته 180درجة

بعد ما تجهز الكيكة وتبرد بنقطع منها طبقة وبنتركها على جنب بنخفق اللبن مع السكر وبنوضعه على سطح الكيكة
بنفتت الطبقة الي تركناها وبنرشها فوق اللبن وبنزينها بقطع جلي او اي شي انتوا بتحبوه
صحتين وعافية