كيكة جوز الهند بصلصة التوفي

المقادير:
3 بيضات
ملعقة صغيرة فانيلا
كاسة زيت
كاسة سكر
1\2 كاسة حليب سائل
كاسة ونص طحين
نص كاسة جوز هند مبروش
ملعقتين باكنغ باودر
برش برتقالة او ليمونة
ملعقتين كاكاو



للوجه:
فنجانين سكر
3 ملاعق زبدة
3 ملاعق قشطة

الطريقة:

نخفق البيض مع الفانيلا كتيير منيح وبعدين بنضيف السكر وبنخفقهم لحتى يصيرو متل الكريمة
بعدين بنضيف الزيت والحليب بالتدريج مع الخفق المستمر ..
بننخل الباكنغ باودر مع الطحين وبنضيفلهم جوز الهند وبرش البرتقال وبعدين بنضيفهم للخليط بالتدرج لحتى يتجانسو
..
بناخد شوي من الخليط وبنحط عليه ملعقتين الكاكاو وبنخلطهم مزبوط واللي ما بحب بيقدر يستغني عن هاي الخطوة

طبعا بنكون محمين الفرن على 180 درجة ومجهزين قالب مدهون بزبدة وطحين وبنحط طبقة صغيرة من الخليط الابيض وفوقيه خليط الكاكاو وبعدين اخر شي بنضيف بقية الكمية ولحتى يطلع شكلهم حلو من جوا بنجيب عود اسنان او اي عود طويل وبنعمل خطوط بخليط الكيك وبنحطو بالفرن لمدة 45 دقيقة ويمكن اكتر شوي



خليط الوجه..

بنحط فنجانين السكر عالنار لحتى يتغير لونهم بعدين بنضيف 3 ملاعق الزبدة مع التحريك السريع واخر شي بنحط 3 ملاعق القشطة وبنحركهن شوي وبنشيلهم عن النار وبنحطهم على الكيكة


والف صحة وهنا )))

شكلها بشهي

يسلموووووووووووووا